Në kuadër të Fushatës së Majit, Muajit të Matjes së Presionit Arterial, ditën e sotme Instituti i Shëndetit Publik zhvilloi në mjediset e Inspektoratit Kombëtar të Mbrojtjes së Territorit aktivitetin ndërgjegjësues të matjes së presionit arterial.
![](https://ikmt.gov.al/wp-content/uploads/2024/05/443842219_914681520702622_8565682773528710282_n.jpg)
Të gjithë punonjësit e IKMT i’u nënshtruan matjes së presionit arterial, matjes së yndyrnave në gjak si dhe një pyetësori të shkurtër mbi të dhënat e përgjithshme të kushteve fizike dhe shëndetësore të tyre.
![](https://ikmt.gov.al/wp-content/uploads/2024/05/443713742_914681377369303_619236958577384921_n.jpg)
Fushata e Majit, Muajit të Matjes së Presionit Arterial, është një fushatë globale ndërgjegjësimi e udhëhequr nga Shoqata Ndërkombëtare e Hipertensionit (ISH), e cila përfaqëson shkencëtarët, klinicistët, ofruesit e kujdesit shëndetësor nga e gjithë bota, të cilët kanë interes të përbashkët në fushën e kërkimit për hipertensionin arterial.
![](https://ikmt.gov.al/wp-content/uploads/2024/05/444151821_914681360702638_1445683258049082894_n.jpg)
![](https://ikmt.gov.al/wp-content/uploads/2024/05/444152516_914681570702617_3329356702431972286_n.jpg)