Përshkrimi përgjithësues i punës për pozicionin si më sipër është:

–          Zbaton programin e punës sipas miratimit nga përgjegjësi i sektorit, në përputhje me aktet ligjore e nënligjore në fushën e ndërtimit dhe urbanistikës.

–          Në zbatim të detyrave që i ngarkohen, ushtron kontrolle dhe bën verifikime të drejtperdrejta në terren, si dhe raporton konkluzionet tek përgjegjësi i sektorit.

–          Mban përgjegjësi të drejtëpërdrejte për përcjelljen e informacionit të rezervuar në kushte të larta diskrecioni dhe njëkohesisht për ruajtjen e konfidencialitetit të nevojshëm gjatë ndërhyrjeve të ekzekutimit.

–          Sipas porosive të eprorëve, kujdeset për dokumentimin filmik dhe/ose fotografik të realizimit të ndërhyrjeve të ekzekutimit.

–          Siguron territorin ku realizohet ndërhyrja, me qëllim parandalimin e aksidenteve apo futjen e personave të paautorizuar.

·         Kritere të përgjithshme: 

–          Të jetë shtetas shqiptar;

–          Të ketë zotësi të plotë për të vepruar;

–          Të jetë në kushte shëndetësore që e lejojnë të kryejë detyrën përkatëse;

–          Të mos jetë i dënuar brenda dhe jashtë vendit.

·         Kritere të posaçme:  

Arsimi: Të zotërojë diplomë të nivelit Master Profesional ose Master i Shkencave,  në Shkenca Shoqërore/Shkenca Juridike/Akademia e Sigurisë/Akademia Ushtarake.

–          Edhe diploma Bachelor të jetë në të njëjtën fushë.

·         Njohuri dhe aftësi: njohuri të gjera të legjislacionit:

–          Ligji nr.90/2012 “Për organizimin dhe funksionimin e Administratës Shtetërore”, i ndryshuar.

–          Ligji nr. 9780, datë 16.7.2007  “Për inspektimin dhe mbrojtjen e territorit nga ndërtimet e kundërligjshme”, i ndryshuar;

·         Eksperienca: Të ketë të paktën 1 vit përvojë pune në profesion.

·         Gjuhë të huaja dhe njohuri kompjuterike: Të ketë njohuri të mira të gjuhës angleze dhe të përdorimit të programeve kompjuterike.

 Dokumentacioni, mënyra dhe afati i dorëzimit të aplikimeve:

Aplikantët duhet të dorëzojnë dokumentat si më poshtë:

·         Kërkesë për punë

·         Jetëshkrim

·         Diplomë dhe listën e notave të noterizuar (përfshirë edhe diplomën Bachelor). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit; (Fotokopje)

·         Fotokopje të librezës së punes

·         Fotokopje të letërnjoftimit (ID)

·         Vërtetim të gjendjes shëndetësore

·         Vetëdeklarim të gjendjes gjyqësore;

·         Vërtetim që nuk ka marrë masa disiplinore për cënim të rregullave të etikës.

·         Vërtetim gjykate / prokurorie

·         Letër reference

·         Certifikatë personale / familjare

·         2 (dy) foto (për dokumenta)

·         Çdo dokumentacion tjetër që vërteton mesataren e ponderuar të diplomës (listë notash, vërtetim nga fakulteti), trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin tuaj;

Kandidatët do të vlerësohen në dy faza:

Faza e parë – Dosja personale (eksperienca dhe kualifikimet), deri në 70 pikë;

(Do të kualifikohen për fazën e dytë të vlerësimit, tre aplikantë që kanë pikët më të larta nga faza e parë e vlerësimit).

Faza e dytë – Intervista e strukturuar me gojë (Njohuritë, aftësitë, kompetencat në lidhje me përshkrimin e punës si dhe motivimin, aspiratat dhe pritshmëritë e tyre) deri në 30 pikë;

·         Kandidatët e kualifikuar në fazën e parë të konkurimit do të njoftohen elektronikisht për datën, vendin dhe orën ku do të zhvillohet faza e dytë.

·         Aplikimi dhe dorëzimi i të gjitha dokumentave të cituara më sipër duhet të bëhet brenda datës 27.04.2026, nëpërmjet dorëzimit në rrugë postare në protokollin e Inspektoratit Kombëtar të Mbrojtjes së Territorit, Rruga “Muhamet Gjollesha”, pranë Fakultetit të Inxhinierisë së Ndërtimit, Tiranë.

·         Shqyrtimi dhe vlerësimi I aplikimeve, listimi I kandidatëve do të bëhet brenda datës 29.04.2026.