Përshkrimi përgjithësues i punës për pozicionin si më sipër është:

–          Zbaton detyrat e ngarkuara nga përgjegjësi i Sektorit të Marrëdhënieve me Publikun.

–          Përgatit ose koordinon përgjigjen zyrtare ndaj kërkesave për informacion ose ankesave të depozituara pranë IKMT- së.

–          Përgatit ose koordinon përgatitjen e materialeve sensibilizuese në lidhje me mbrojtjen e territorit, mjedisit dhe pyjeve duke koordinuar edhe me institucione të tjera publike.

–          Përzgjedh dhe përgatit materialin statistikor të përditësuar, i cili do të shërbejë për hartimin e Buletinit Vjetor Statistikor, në faqen zyrtare të internetit të institucionit, si dhe për qëllime të tjera.

–          Përgatit materialet e nevojshme për faqen zyrtare të institucionit si edhe e mirëmban atë.

–          Në rastet kur konstatohen pasaktësi apo keqinformime në lajmet e publikuara nga mediat, përgatit sqarimet e nevojshme për saktësimin e informacionit.

–          Sqaron dhe/ose jep informacionin përkatës në favor të personave ose grupeve të interesit, në përputhje me rregullat e shpërndarjes së informacionit zyrtar.

–          Identifikon shqetësimet e qytetarëve dhe bashkërendon punën me strukturat e tjera administrative në institucion, për sqarimin dhe zgjidhjen e tyre.

–          Kujdeset për vijueshmërinë e mbledhjes së informacionit nga shtypi periodik dhe media elektronike dhe bën përzgjedhjen dhe përpunimin e këtij informacioni duke përgatitur një buletin informativ në mënyrë periodike.

–          Përcakton modalitetet e organizimit të takimeve të ndryshme, konferencave për shtyp, si dhe aktiviteteve të tjera që lidhen me marrëdhëniet publike të institucionit.

–          Evidenton në vazhdimësi ankesat dhe problemet e bëra prezente nga të gjithë subjektet e interesuara dhe ndjek zbatimin e procedurave administrative përkatëse për sqarimin dhe dhënien e përgjigjes për çdo kërkesë.

–          Mban përgjegjësi për kthimin dhe redaktimin e materialeve të ndryshme në gjuhë të huaj dhe sipas rastit, ndjek përkthimin dhe redaktimin e tyre nga persona të tjerë të kualifikuar, brenda ose jashtë institucionit.

–          Asiston Kryeinspektorin dhe/ose funksionarë të tjerë të IKMT- së, gjatë takimeve dhe kontakteve me përfaqësues të organizatave të huaja, përfaqësive diplomatike të akredituara në R.SH., donatorë të huaj, etj..

–          Mbulon sipas porosive të eprorëve, përpilimin dhe publikimin e deklaratave publike në emër të institucionit dhe sipas rastit, të strukturave në varësi të tij.

·         Kritere të përgjithshme: 

–          Të jetë shtetas shqiptar;

–          Të ketë zotësi të plotë për të vepruar;

–          Të jetë në kushte shëndetësore që e lejojnë të kryejë detyrën përkatëse;

–          Të mos jetë i dënuar brenda dhe jashtë vendit.

·         Kritere të posaçme:  

Arsimi: Të zotërojë diplomë të nivelit Bachelor, Master Profesional ose Master i Shkencave, në Shkenca Ekonomike, Shkenca Juridike dhe Shkenca Shoqërore.

–          Edhe diploma Bachelor të jetë në të njëjtën fushë.

·         Njohuri dhe aftësi: njohuri të gjera të legjislacionit:

–          Ligji nr. 9780, datë 16.7.2007  “Për inspektimin dhe mbrojtjen e territorit nga ndërtimet e kundërligjshme”, i ndryshuar;

–          Ligji nr. 107/2014 “Për planifikimin dhe zhvillimin e territorit”;

–          Ligji nr. 111/2012 “Për menaxhimin e integruar të burimeve ujore”;

–          Ligji nr. 9290, datë 7.10.2004 “Për produktet e ndërtimit”, të ndryshuar;

–          Ligji nr. 8402, date 10.9.1998 “Për kontrollin dhe disiplinimin e punimeve të ndertimit”

–          Ligji nr. 10431, datë 9.06.2011 “Për mbrojtjen e mjedisit”, i ndryshuar.

–          Ligji nr. 9385, datë 4.5.2005 “Për pyjet dhe shërbimin pyjor” i ndryshuar.

–          Rregullores së Brendshme të IKMT, miratuar me Urdhrin e Ministrit Nr.424 datë 25.11.2020

·         Eksperienca: Të ketë të paktën 1 vit përvojë pune në profesion.

·         Gjuhë të huaja dhe njohuri kompjuterike: Të ketë njohuri të mira të gjuhës angleze dhe të përdorimit të programeve kompjuterike.

 Dokumentacioni, mënyra dhe afati i dorëzimit të aplikimeve:

Aplikantët duhet të dorëzojnë dokumentat si më poshtë:

·         Kërkesë për punë

·         Jetëshkrim

·         Diplomë dhe listën e notave të noterizuar (përfshirë edhe diplomën Bachelor). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit; (Fotokopje)

·         Fotokopje të librezës së punes

·         Fotokopje të letërnjoftimit (ID)

·         Vërtetim të gjendjes shëndetësore

·         Vetëdeklarim të gjendjes gjyqësore;

·         Vërtetim që nuk ka marrë masa disiplinore për cënim të rregullave të etikës.

·         Vërtetim gjykate / prokurorie

·         Letër reference

·         Certifikatë personale / familjare

·         2 (dy) foto (për dokumenta)

·         Çdo dokumentacion tjetër që vërteton mesataren e ponderuar të diplomës (listë notash, vërtetim nga fakulteti), trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin tuaj;

Kandidatët do të vlerësohen në dy faza:

Faza e parë – Dosja personale (eksperienca dhe kualifikimet), deri në 70 pikë;

(Do të kualifikohen për fazën e dytë të vlerësimit, tre aplikantë që kanë pikët më të larta nga faza e parë e vlerësimit).

Faza e dytë – Intervista e strukturuar me gojë (Njohuritë, aftësitë, kompetencat në lidhje me përshkrimin e punës si dhe motivimin, aspiratat dhe pritshmëritë e tyre) deri në 30 pikë;

·         Kandidatët e kualifikuar në fazën e parë të konkurimit do të njoftohen elektronikisht për datën, vendin dhe orën ku do të zhvillohet faza e dytë.

·         Aplikimi dhe dorëzimi i të gjitha dokumentave të cituara më sipër duhet të bëhet brenda datës 14.04.2026, nëpërmjet dorëzimit në rrugë postare në protokollin e Inspektoratit Kombëtar të Mbrojtjes së Territorit, Rruga “Muhamet Gjollesha”, pranë Fakultetit të Inxhinierisë së Ndërtimit, Tiranë.

·         Shqyrtimi dhe vlerësimi I aplikimeve, listimi I kandidatëve do të bëhet brenda datës 15.04.2026.